Forex və kripto bazarında treyd edənlərin çoxu giriş nöqtəsinə fokuslanır. Hansı səviyyədən alış etmək, haradan satış açmaq kimi suallar ön plana çıxır. Lakin peşəkar yanaşmada əsas məsələ giriş deyil, risk/gəlir nisbətidir. Çünki uzunmüddətli nəticəni strategiya yox, risk idarəsi müəyyən edir.
Risk/gəlir nisbəti bir treyddə nə qədər risk etdiyini və nə qədər qazanc hədəflədiyini göstərir. Məsələn, əgər bir əməliyyatda 100 dollar risk edib 300 dollar qazanc gözləyirsənsə, risk/gəlir nisbəti 1:3-dür. Bu o deməkdir ki, hər üç treyddən biri uğurlu olsa belə, ümumi nəticə müsbət qala bilər.
Forex və kripto bazarında davamlılıq məhz bu məntiqə əsaslanır. Əgər treyd planında risk əvvəlcədən müəyyən edilməyibsə, qazanc təsadüfi olur. Stop-loss və take-profit səviyyələri sistemli şəkildə qurulmadıqda isə kapital qorunmur. Risk/gəlir nisbəti olmadan açılan əməliyyat emosional qərara çevrilir.
Digər vacib məqam riskin faizlə hesablanmasıdır. Peşəkar treyderlər adətən bir treyddə ümumi kapitalın kiçik hissəsini risk edirlər. Bu yanaşma ardıcıl itkilər zamanı hesabın sürətlə azalmasının qarşısını alır. Çünki məqsəd bir treyddə böyük qazanc deyil, uzun müddət bazarda qalmaqdır.
Risk/gəlir nisbəti foreks bazarında da, kripto treyddə də eyni dərəcədə önəmlidir. Yüksək dəyişkənlik qazanc imkanını artırsa da, risk nəzarətsizdirsə nəticə mənfi ola bilər. Buna görə də hər treyddə sual belə olmalıdır: bu əməliyyatda riskim nə qədərdir və potensial gəlirim buna dəyərmi?
FINLAB yanaşmasına görə bazarda qalıcı olmaq istəyən hər kəs risk/gəlir nisbətini başa düşməli və tətbiq etməlidir. Çünki qazancı strategiya gətirə bilər, amma səni bazarda saxlayan risk idarəsidir.